寻觅广州牛肉丸的踪迹
正宗潮汕牛肉丸大细同乒乓波差唔多，听讲好既牛肉丸可以弹起高过一人既高度，而且不适宜冷藏同长途运输。号称既潮汕牛肉丸系广州随处可见，小至街头巷尾既粉面店大至五钻级酒家。
然而，系咪正宗？就有待大家一齐去考证啦。
龙记汕头牛肉
出品地道既潮州火锅，火锅汤底有芹菜同炸蒜茸，地道既潮汕做法，清香爽口，招牌牛肉丸系专门每日凌晨系汕头新鲜运货过黎，新鲜弹牙，配特色既沙茶酱，味道一流。虽然环境同服务都一般，不过可以试到正宗味道既潮汕牛肉丸，仲系值得大家去试。
推荐菜式：牛肉丸沙茶干粿
详细地址：越秀区水荫路38号(近豪景酒店)
冯记正宗潮州牛肉丸店
一间开左很耐既老店，系万福路同文德路既转角位，出品既牛肉丸味道好正宗，爽口，真材实料，不过牛肉丸就细左D，汤底既口味系正宗既潮汕做法，味道唔错；环境就一般，无空调，主要都系做街坊熟客生意，人气几旺。
推荐菜式：牛肉丸 杂锦粉 云吞 猪肉丸 炸云吞 炸鱼皮
联系电话：020-83303602、1380296
详细地址：万福路176号地下
汕头正宗卤味牛肉丸店
主打正宗潮州牛肉丸火锅，锅底特别加左蒜蓉同芹菜叶，味道浓郁中透出清新；牛丸落锅略煮，就会膨胀起身，一啖咬落去，牙齿感觉到牛丸既弹力，果然非常弹牙爽口；出品有套餐亦可以单点，落锅既材料品种丰富，价钱亦好公道，几个朋友聚会黎呢度就再好不过。
推荐菜式：牛肉丸、牛筋丸，卤水肉
联系电话：86662875
详细地址：站南路自编4号
潮盛牛肉店
系东晓南路五凤乡车站附近既潮盛牛肉连锁店，主打牛肉丸火锅，出品既牛肉丸比较正宗，几有潮汕家乡风味，出品既各式丸子，如牛肉丸、牛筋丸、鱼丸等都非常爽口弹牙，好有嚼头；环境算一般，但胜在价钱实惠，生意都几好。
推荐菜式：牛肉丸火锅 牛肉丸 牛筋丸 鱼丸 牛肉丸米粉 湿炒河粉
联系电话：020-84083850
详细地址：海珠区东晓南路(近五凤乡公车站)
潮州牛肉店
出品正宗潮汕菜，主打牛肉火锅，广州最有潮汕味道既一间小店，好多潮汕人都黎呢度，可见味道的确正宗；招牌牛肉火锅，配牛肉、牛杂、牛肉丸、牛筋丸同青菜、豆腐等，牛肉丸新鲜爽口，牛筋丸香脆弹牙；店面装修简单，有D大排档既感觉，价格非常实惠，各位不妨来试试。
推荐菜式：招牌菜 :牛肉丸
详细地址：赤岗大塘聚德东路(130车总站)
迈姨潮州餐厅
藏系居民区入面既正宗潮州餐厅，店好细，装修简单，但出品不错，连潮州人食后都话系不失名为潮州餐厅；推荐出品既牛丸汤，味道唔错，牛丸爽口，肉香味浓厚，食起身齿颊留香；服务唔错，上菜速度又快，价钱亦够平够实惠，地方虽然隐蔽，但座无虚席真系唔简单。
推荐菜式：牛丸汤 炒薄壳 蚝仔粥 芥兰炒牛肉 香芋酥 炒花甲 小鱼煲 绿茶饼 卤水拼盘 鹅肝
联系电话：83500595
详细地址：越秀区麓湖路5号岭南大厦停车场内 