【靓粥皇】“无粥丧尸服务”版

详细地址：广州市越秀区东华西路288号，原东华戏院
订座电话：020-83837118
菜式风味：粤菜
适合类型：家庭聚会,朋友聚会
服务态度：好
人均消费：50-100
推荐菜式: 粥水火锅，蒜蓉蒸珍珠贝，煎鱼嘴，冬瓜鱼茸粥，牛肉丸，油条，薄餐

元旦当日又系周四，我地例牌组织天体打波活动！波后打算去食粥水火锅宵夜，拣左去东华西路的靓粥皇，反正地铁可以去到。点知原来靓粥皇10点收档，当时未到9点，我地七个女的就照杀上去。唔知系咪d服务员都攰了一日，定系因为我地临收工先去消费，全程个个都黑面无来精神，好似丧尸咁，服务态度好唔掂！

首先坐果个炉突然彪火要换台，然后我地上晒野都未上粥底，终于等到粥底来了，又发现无比酱油碟我地，跟住有个阿妹过来话“无晒粥水加了，阵间加水得唔得？”。。。。晕！梗系唔制啦！飞紧犀利，叫个部长摞壶粥过来先，唔系唔食住，最多走人！终于个男部长摞左来放系我地隔离，仲要话到时比人摞走唔关佢事！草！果然不久另外一个女部长又过来要摞个粥壶走。。。。嬲S，即刻叫佢加左粥比我地先，加到个锅8成满先比佢摞走，哼哼！来这里就系食粥噶嘛，无得加粥仲叫乜嘢“靓粥皇”！！之后几乎就无人理我地了，除了有个咨客中途过来帮我地搞d肉丸，话咁样搞容易熟同唔使溢粥，赞一个！食完最后埋单，个男服务员又系丧尸咁样过来收数，问佢有无得碌卡，佢竟然答“可唔可以比现金？”串到鬼甘！不过最后都系碌到卡。。。。。。真系坎坷啊！

当晚餐单：
粥底火锅 20元（坐房就30的了！）
海蚬 12/例X2
牛肉丸 28
猪肉丸 28
猪杂 28
杂菜 18
菜心粒18
茶树菇 8
甜薄撑  貌似都系18/打
埋单204元！每人29元！
其实我地食得好悭，都系饮粥水饱的啦，讲真粥水比较稀，而且食完之后比较口干~~~

P.S.间店近期逢消费100送20元券，送左我地2张。由于佢地都话唔想再帮衬，所以我袋袋平安，今晚又去了一次（今晚餐单：粥底20、沙虾半斤18、圣子王38/斤、油炸鬼10/例、杂菜18、牛丸28）但无影相，好在有check单，竟然加多了10元的啤酒，靠！最后埋单129-40=89元/三人，还ok，多谢kitten！服务明显好过元旦果晚，加的粥水都唔系用壶来加的，不过讲真d粥底都依然麻麻地，比较稀~~~
 

大合照一张！其实果阵等紧人摞粥水来加，如果真系无我地就走人！

牛肉丸（前）同猪肉丸，都系自己打的喔

猪杂，有腰、肠、肝，摆得好乱